Durangaldea

Webgune hau Durangaldeko euskaldunen komunitate digitala da eta ‘EUSKARALDIA, 11 EGUN EUSKARAZ’ egitasmoaren baitan sortu da. Durangoko Merinaldearen Amankomunazgoko herriak elkarlanean bildu dira egitasmo honetara, hizkuntza ohituretan eragiteko asmoz. Horretarako, azaroaren 23tik abenduaren 3ra bitartean herritarrak Ahobizi eta Belarriprest izatera gonbidatzen ditugu.

Parte hartzeko bi baldintza baino ez dira bete behar: euskaraz hitz egitea edo ulertzeko gai izatea eta 16 urtetik gorakoa izatea.

Herritarren izen-emate ofiziala irailean izango da, baina webgune honetan aukera dago bakoitzaren rola hobeto ezagutzeko eta informazioa jasotzeko. Beraz, bertan, zure argazkiarekin batera, zure rola eta konpromisoa zein den jartzera gonbidatzen zaitugu.

Anima zaitez izena ematera! Denon artean Durangaldea euskaldunagoa egingo dugu!